愛民遊記一

噚日，終於有機會遊走屋邨，腦海中第一下閃過嘅就係差唔多 10 年無去過嘅愛民邨，於是便係觀塘搭 17 號出發。

到總站後躍然眼前的 ，就係愛民邨商場，而係商場一樓裏面，竟發現了呢間店舖……

間店叫做「新雄雞糖果餅店」， 店名果然厲害，係裏面發現咗唔少好嘢。回家再細看照片時，先發現店名暗藏玄機，原來這是一間「新店」（另一間叫「新雄雞麵包公司」在地下）！

在店舖外八八卦卦時，先發現了店內竟有「韓妞」賣，這「韓妞」係有 18 種口味的 「CC 棒」，即係水果味糖果棒，竟用到「韓妞」作招徠，真懂得宣傳方法，讚！決定入去行轉，睇下仲有無其他發現……

走入店內，和店內的靚太們搭訕時，發現了這包「葱動」！諗都無諗，立刻拎包「葱動」幫襯一下。

_

係俾錢時，多口問咗句：「好唔好食㗎？」靚太答：「好食，好好食㗎」然後就同隔離個拍檔勁笑。

我再問：「會唔會因為衝動買咗而中伏㗎？」靚太答：「唔會， 食咗仲會有衝動食多包添！」然後又同隔離阿靚太拍檔勁笑，仲笑到見牙唔見眼添。

喜歡這互動的購物體驗，決定聽靚太們的話，乖乖幫襯試試。

另外，見靚太咁友善嘅介紹和招呼，決定幫襯多包「加洲牛排」一條裝，品牌名字是「酷牛」相信用普通話讀出會更有氣勢！

而最神奇的是，「牛排」的成份是一點肉也沒有……是「植物肉 」，唔知屬唔屬於齋菜類別呢？

以上美食，各售 $1.50，仲未品嚐，有機會（主要係我無咁懶……）再和大家分享。

入去就咁走左一轉，已發現暗藏不少「好物」，「新雄雞」果然名不虛傳…… 讚！

愛民，只係踏足咗一間舖頭，已經令我有點愛上了，當然噚日仲有其他發現，有機會（都係嗰句，主要係我勤力番少少時），再和大家分享一下在愛民搵到已失落多時的人情味。